ობიექტი განთავსებულია მუნიციპალური თავშესაფრის ტერიტორიაზე, თუმცა ფუნქციურად იზოლირებულია არსებული ინფრასტრუქტურისგან, რაც უზრუნველყოფს დაავადებების მართვის ეფექტურ კონტროლს.

ცენტრი გათვლილია მიუსაფარი ცხოველების სტერილიზაცია-კასტრაციის პროცესზე, რაც საერთაშორისო პრაქტიკით აღიარებულია როგორც ერთ-ერთი ყველაზე ეფექტური და ჰუმანური მეთოდი ცხოველთა პოპულაციის რეგულირებისთვის.

პროექტის განხორციელება წარმოადგენს მნიშვნელოვან ნაბიჯს თანამედროვე ურბანული გარემოს განვითარებისა და ცხოველთა კეთილდღეობის მიმართულებით.